職場文化丨媽媽陪仔見工+嫌煩不答問題 HR分享年輕人面試見工趣事

「我做HR嘅時候，嚟見工都係上去公司入會客室，正正經經、戰戰兢兢咁，正襟危坐，有嗰句講嗰句。」曾經是大機構人事部阿頭的損友甲說：「我退休都有十年，前幾日喺間連鎖咖啡店飲咖啡，撞到現任HR嘅同事，我笑佢上班時間開小差，佢一本正經咁答我：『唔係呀老總，我喺度等緊個新人嚟interview呀！』同事念舊，仲叫我老總。我好奇，做乜見工唔約上公司？佢笑住答我：『世界唔同咗嘞，依家唔興咁拘謹，興飲住杯咖啡慢慢傾，咁我仲會容易啲喺佢嘅行為上面，了解佢更多。』」

損友甲歎一口氣，續說：「我想唔認老都唔得，比着我，實在唔可以喺咁嘈嘅環境下，去判斷呢個人適唔適合間公司，但係我又必須同意，坐喺會客室，你問一句，佢答一句，太拘謹，又真係好難睇得出，一個人平時放鬆嘅時候，係點樣嘅行為舉止。」

同場加推：同事離職前的5大徵兆

▼點擊圖片放大

+4

+3

我經常說，自己誤打誤撞入了這一行，接近五十年的演藝生涯，台前幕後，都未試過要面試。反而，當高層的日子，想聘請一班熱血的年輕人，就發生過不少面試的趣事。有母親陪同一齊面試，一切由母親作主的年輕人；有「阿媽叫我唔好講咁多嘢，怕講多錯多」的年輕人；有頻頻看錶，問多一個問題就表現不耐煩的年輕人；有返了一日工，就覺得自己在這一行沒有前途，瀟灑轉身而去的年輕人……他們的反應，留給我一個疑問：到底面試有沒有用？見對方不到一小時，就能決定他是否適合這份工作？我不懂。

🎓全新TOPSchool全港中小學校搜尋器，入HKET App即睇！

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】